Uè mi soi jevât adore e o soi lât a implenà la machine di gasolio al cjoldibessôl parcé che l'omenut de stazion di servizi no l'ere ancjemò rivât.
E passin cinc minuts e al rive Meni, un gno amì che no si capis ben s'al è alc e ce, ven a stai cûl o invesit gaiarin.
Al mi à dite che iar sere al è stât in menediscarìe e mi à dite che al jere un braf menediscs.
Dopo o ài viodût dongje dal Stadio Friuli un gnuf manifest dal PD cun t'un sproc che no mi è plasût par nuje. Cuissà cual cal è cumò el bersai dal partît di Veltroni?
Probabilmentri Veltroni al pensave che el so partît al fos a bole, ma invesit mi somee peçotâr.
Daspò o soi lât a cjase e la mame e veve fate la spese e alore mi è tocjât discjamà la machine di pacs e pacuts cui regai di Nadâl. O jeri propit strac e alore mi è tocjàt fà un tireflât parceche no stavi plui in pins.
Toni mi à telefonât e mi à dite che pe prime volte in so vite al â svolat sintât in afarons class. O vin fevelât de Udinès che, partide ben tal campionât, cumò a sta fasint une crofe.
A mi mi plâs l'alenadôr da l'Inter Mourinho, un omp c'al à tante figonarie. Sul balonîr da l'Inter Adriano si sintin masse peteçs, par esempli c'al stedi dut el timp a viodi films cul cine in cjase.
La me cusine Alida, pe vacancis di Nadâl e à decidût di fà un viaç cjape e partìs, siguramentri a bon presit.
Tornant a fevelà di Meni, el gno amì che no si sà s'al è alc e ce tal sens di cûl opur gaiarin, i ài dite che i conven fà conte fûr che cumò al è a bole, squasi une figonarie.
Cumò o voi a cjase e mi viôt un film paie par viodi, ma no ài voe di scielgi, lu viodarai te modalitât ce che al ven. Baste che no sedi un par fente che no mi plâs par nuje.
Satu l'ultime di me mari? E somee che vedi mitût su un fast food parce che mi dîs simpri di mangja daurman che se no ce c'o ài tal plat al devente frêt.
Nessun commento:
Posta un commento